Un axitado comezo de curso


Dous españois camiñan polo deserto e atopan unha lámpara marabilosa. Un deles a frota e sae un xenio, que lle dí:
– Concédote un desexo, pero tes que saber que o que me pidas llo concederei duplicado ao teu compañeiro
– Pois entón desexo que me saques un ollo.

O curso vindeiro amenaza con ser especialmente conflitivo. Aos recortes de persoal de educación e á rebaixa salarial do ano pasado parece sumarse agora unha campaña xeralizada de desprestixio do funcionariado, centrada no profesorado de primaria e secundaria, pero extensible aos restantes departamentos da administración estatal e autonómica.

A explicación é ben sinxela. Cando os cartos fluían en abundancia, fai cinco ou seis anos, o soldo de funcionario non era gran cousa. E falo dos postos de escala básica, eses que cobran 900 euriños para chegar xustos a fin de mes. Se ben a estabilidade será sempre un gran incentivo do corpo de funcionarios, é certo tamén que na maioría dos casos o soldo non é gran cousa. Agora que a crise económica impide negocios de enriquecimento rápido (especialmente os relacionados coa inversión inmobiliaria) o posto de funcionario é visto con recelo e envexa e sobretodo como causa da crise, ao supoñer (ou eso se dí) unha carga demasiado grande para as arcas públicas. Se a eso sumamos os privilexios reais ou imaxinarios do posto vitalicio e en xeral a mala fama do corpo docente (propiciada polo escaso valor que se da á educación no noso querido país, así como polo comportamento dunha parte da propia clase docente, minoría por certo) temos o caldo de cultivo dunha posición colectiva contra o ensino público (ollo, o concertado e privado non entra nese lote).

Lembren o episodio da militarización dos controladores aéreos. Unha corrente de opinión contra os profesores facilita ás autoridades a toma de medidas traumáticas. De xeito que creo que non me equivoco se afirmo que nun futuro inmediato haberá un novo recorte salarial e un endurecemento das condicións laborais, recorte e endurecemento que serán permanentes ou de longa duración. A reacción dos profesores (e do funcionariado en xeral) é imprevisible, pero inclínome a pensar que non pasará absolutamente nada. Lembren tamén que os españois levan unha década empobrecéndose baixo a apariencia do enriquecimento ficticio, que somos un territorio de tradición cainita e que España, diga o que diga o tópico, é un país eminentemente represivo e conservador (amais de feo, católico e sentimental). Se a eso lle suman que as peores consecuencias da crise aínda están por chegar, o panorama é certamente desalentador.

Boas noites e boa sorte a todos.

Goya e a súa visión de Hispanistán

Mais sobre o mesmo


Co gallo da crise económica a prensa dos últimos tempos recolle algúns artigos de interese, dos cales seleccionamos estes párrafos:

“Congreso de los Diputados: el 72% de los parlamentarios son, en origen, empleados públicos; o la Asamblea de Madrid, donde el número de empleados públicos es del 75%. Incluso la “laboriosa” Cataluña no se escapa: sólo el 32% de sus diputados provienen del sector privado. (…) Pocas leyes útiles para el ciudadano de a pie elaborarán nuestros parlamentarios. Sobre todo, pocas que recorten privilegios de los empleados públicos, ¿no creen? Los partidos han caído en manos de gente que, segura de mantener su lugar de trabajo habitual, hace incursiones en la política para cambiar de aires y proyectar su miopía a todo un país. Una especie de divertimento”. Parlamentos de funcionarios, EL PAÍS, 13/02/2010.

“Desde el otro lado del espejo que he traspasado, como abogado, como profesor de universidad y como gerente de empresa, la realidad no parecía tan penosa como se aprecia desde dentro. El directivo que aterrizó en la corte de su señoría ha comprobado que no podrá ejercer sus habilidades directivas; lo más que puede llegar a ser es un virtuoso castratti, un capón sin atribuciones que ha de limitarse a firmar y a firmar, y a ser amable”. Fijo para siempre, pero ¿inamovible? EL PAÍS, 13/02/2010.

“Zapatero, Rajoy, Montilla, el pobre Ibarretxe, todos dicen hoy ser Obama. Zapatero, Rajoy, Montilla, el pobre Ibarretxe, todos mienten. Y es que ninguno de ellos se atrevería a imitar eso que acaba de anunciar Obama, a saber, que acabará con la patente de corso que significa el empleo vitalicio para los profesores vagos, absentistas, incompetentes o las tres cosas a la vez”. La dictadura de la incompetencia. Libertad Digital, 10/03/2009.

Ollo, porque todas estas ideas permaneceron adormecidas durante o boom económico, cando ser funcionario non compensaba tanto e era millor adicarse a comprar e vender pisos a esgalla. En tempos de escaseza pídese igualdade de trato e darwinismo social.

Post relacionado: El origen.

« Older entries